Përjashtohet për 40 vjet nga stadiumi i PSV tifozi që goditi portierin e Sevillës

TË FUNDIT

PSV Eindhoven e ka përjashtuar një tifoz nga stadiumi i tyre për 40 vjet pasi ai u shpall fajtor për sulmin ndaj portierit të Sevillas, Marko Dmitroviç, gjatë një ndeshjeje të Ligës së Evropës.

20-vjeçari, i cili tashmë vuante ndalimin për mos hyrje në stadium u dënua edhe me tre muaj burg.

Atij gjithashtu iu ndalua ofrimi në zonën përreth stadiumit “Philips” të PSV-së për dy vjet.

Klubi holandez tha gjithashtu se do të kërkojë të rikuperojë dëmet financiare prej tij.

PSV mund të presë një gjobë të rëndë pasi UEFA hapi një çështje disiplinore kundër tyre pas incidentit, përcjellë KosovaPress.

Ai iu afrua portierit Dmitroviç afër fundit të ndeshjes së dytë të play-off-it në fund të shkurtit dhe e goditi me grusht në fytyrë. Ish-portieri i Charlton-it e rrëzoi atë në tokë dhe stjuardët e larguan më pas.