Ka përfunduar ndeshja në stadiumin “Fadil Vokrri” ndërmjet Përfaqësueses kosovare të femrave në futboll asaj të Polonisë, në të cilën Kosova ka pësuar humbje me rezultat të ngushtë 2:1.
Fillimisht, “Dardanet” kanë kaluar në epërsi të parat përmes golit të mbrojtjes Liridona Syla, e cila ka shënuar në minutën e 4’ të ndeshjes për 1:0.
Golin e barazimit për polaket e ka shënuar mesfushorja Karolina Gec në minutën e 18’, kurse golin e fitores dhe të përmbysjes së rezultatit për Poloninë e ka shënuar mbrojtësja Martyna Wiankowska në minutën e 35’.
Kjo ndeshje ka qenë e vlefshme për fazën e grupeve në kualifikimet drejt Kampionatit Botëror 2023 në kategorinë e femrave.
Me tri pikët e reja, Polonia ngjitet në pozitën e parë në Grupin F me gjithsej 11 pikë, shtatë sosh më shumë se kundërshtari i sotëm, Kosova që zë vendin e pestë në tabelë.