Gjatë javës së kaluar janë mënjanuar gjithsej 238 automjete të parkuara në mënyrë të padrejtë nga sipërfaqet publike, informojnë nga Qyteti i Shkupit.
Siç citohet në kumtesë, nga numri i tërësishëm i automjeteve të parkuara në mënyrë të padrejtë dhe të mënjanuara, 32 janë mënjanuar nga vendparkimet zonale, ndërsa të tjerat 206 automjete me urdhër të policisë së komunikacionit në bazë të shkeljeve të bëra: parkim në rrugë, shteg të çiklistëve, vendkalim të këmbësorëve, trotoar, sipërfaqe të gjelbër, në kundërshtim me shenjat e komunikacionit, si dhe me thirrje nga personi i tretë.
“Kontrolluesit e vendparkimeve zonale në periudhën e njëjtë sanksionuan gjithsej 369 automjete, për shkak të parkimit të parregullt, gjegjësisht për shërbim të papaguar të parkingut. Prej tyre, 32 automjete janë mënjanuar me shërbimin e karrotrecit, për shkak të tejkalimit të kohës së lejuar në vendparkim,” shtojnë prej atje.
Qyteti i Shkupit dhe ndërmarrja publike “Parkingu i qytetit” gjithashtu apelojnë deri te qytetarët ta ruajnë gjelbërimin dhe sipërfaqet tjera publike, ndërsa automjetet e tyre t’i parkojnë vetëm në vendparkimet e shënuara.
“Apelojmë të gjithë shfrytëzuesit e shërbimeve për parkim, në kohë ta rregullojnë pagesën për shërbime, që të mos sanksionohen dhe të mos u vendoset bllokues në gomë”, shtohet në kumtesë.