Për 24 orë, 518 raste të reja me Covid-19, regjistrohen 4 viktima

Regjistrohen 518 raste të reja me Covid-19, nga gjithsej 5809 teste të realizuara. Raste të të infektuarve të ri më së shumti në Shkup, Tetovë dhe Kumanovë. Instituti për Shëndeti Publik informon për 31 pacientë të shëruar, ndërsa betejën me virusin e kanë humbur 4 persona, prej të cilëve 2 nga Shkupi, 1 nga Tetova dhe 1 nga Dibra.

Numri i përgjithshëm i të diagnostikuarve me Covid-19 që nga fillimi pandemisë në vendin tonë ka arritur 158.681, numri i të shëruar është 150.587, ndërsa 5513 janë viktimat që kanë humbur jetën nga koronvirusi. Në vend numërohen 2581 raste aktive.