Ushtria amerikane kumtoi se testet raketore të kryera nga Koreja e Veriut këtë fundjavë paraqesin “kërcënim” për fqinjët e vendit dhe komunitetit ndërkombëtar.
“Ky aktivitet e thekson fokusin e vazhdueshëm të Koresë së Veriut për zhvillim të programit ushtarak dhe kërcënimeve që i paraqet për fqinjët e saj dhe komunitetin ndërkombëtar”, thuhet në kumtesën e Komandës ushtarake indiano-paqësor të SHBA-së.
Mediumet shtetërore verikoreane sot në mëngjes, sipas kohës lokale kumtuan se vendi ka testuar “raketë të re krqyëzuese me rreze të gjatë veprimi” të shtunën dhe të dielën, edhe përkundër kundërthënieve shumëvjeçare me SHBA-në për programin bërthamor të Koresë së Veriut.
Raportet e përshkruajnë raketën si “armë strategjike me rëndëi të madhe”, testet e së cilës ishin të suksesshme dhe i dhanë vendit “edhe një mjet efikas për kundërpërgjigje të forcave armiqësore”.
Pheniani është nën sanksione ndërkombëtare për programet për raketa balistike, të cilat do të duhej ta mbronin nga invazioni amerikan.