Bertug Yildirim ka shënuar gol në minutën e 88-të për festën e madhe në Eskishehir dhe gjithë Turqinë. Me golin e tij Turqia shmangu humbjen nga Armenia, me të cilën ka raporte shumë të acaruara.
Ndeshja Turqi – Armeni përfundoi 1:1.
Armenët kaluan në epërsi 1:0 me golin e shënuar në minutën e 49-të. Artak Dashyan ishte realizator.
Turqia më pas kërkoi golin e barazimit, që e gjeti në minutat e fundit. Madje kishte raste edhe për fitore, por nuk konkretizoi.
Turqia kishte fituar në Armeni, por u ndal në barazim në ndeshjen si vendase.
Turqia udhëheq në Grupin D të kualifikimeve për Euro 2024. I ka dhjetë pikë nga pesë ndeshje. Kroacia është e dyta me shtatë pikë nga tri ndeshje, ndërsa shtatë pikë nga katër ndeshje i ka Armenia. Pasojnë Uellsi me katër pikë dhe Letonia, pa pikë.