Partitë heshtin, por terreni po përgatitet, Sela: Nëse BDI dështon me Kryeministrin shqiptar, shkon në opozitë

TË FUNDIT

Arkitektët që ishin shumë krijues dhe jo shumë logjikë

Arkitektura, si disiplinat e tjera është art, sepse kërkon shumë krijimtari dhe imagjinatë. Sidoqoftë, ndonjëherë, dizajnet e konstruksioneve të...

Fauci: Mbajtja e dy maskave është më efektive

Anthony Fauci, drejtor i Institutit Kombëtar të Alergjisë dhe Sëmundjeve Infektive në SHBA, tha të hënën se mbajtja e...

Opozita shqiptare është duke përgatitur Ligj të ri për lojërat e fatit

Depuetit i koalicionit AAA-ASH, Skender Rexhepi nëpërmjet emisonin Click Plus bëri të ditur se opozita shqiptare është duke përgatitur...

Rasti Monstra! Gjykimi i njëjtë si në kohën e VMRO-DPMNE-së, si në këtë të LSDM-së, thotë Skender Rexhepi nga Alternativa

“Tash LSDM e shihte rastin “Monstra” tash e tregon një LSDM që është e ngjashme me VMRO-në. Me një...

BDI bën teatër kur Mexhiti në Kuvend del dhe kritikon bashkëpartiakun Grubi, thotë Skender Rexhepi

Skender Rexhepi, nga Alternativa në emisionin Click Plus në TV21, thotë se BDI bën teatër kur deputeti Izet Mexhiti...

Partitë politike edhe pse me bisedime jozyrtare janë duke e përgatitur terrenin për negociata për Qeverinë e re koalicioni, megjithatë në opinion janë decidë – se nuk mbahen takime dhe se fare nuk e hapin këtë temë. Nga ana tjetër, po matet pulsi me spekulime, të cilat pastaj hidhen poshtë si lajme të rreme. Spekulimi i fundit ishte për një kryeministër që do të rrotojë, pas çka nënkryetari i LSDM-së, Muhamed Zekiri shkroi – pula e uritur ëndërron melin (pula e uritur më kot sheh ëndrra). Ai nuk deshi të komentojë se kujt i referohet kjo, por në pyetjen lidhur me kontaktet e mundshme para negociatave zyrtare, ai për TV21 zbuloi se ende nuk ka asgjë.


“Ende nuk ka as takime, e as bisedime. Zaevi është në pushim, kurse edhe pjesa më e madhe e udhëheqësisë së LSDM-së është në pushim. Negociatat do t’i nisim pasi ta marrim mandatin, por lidhur me atë se si do të rrjedhin, mund të them se jemi të hapur për bashkëpunim me të gjithë dhe do t’i shqyrtojmë të gjitha opsionet”, tha Muhamed Zekiri, nënkryetar i LSDM-së.

Bujar Osmani, pas takimit me ambasadorin holandez, Dirk Jan Kop, përmes një statusi në Fejsbuk, porositi se mbetet që përfaqësuesit kryesorë politikë të sigurojnë një shumicë politike stabile.


“Vlerësova se me votën e tyre qytetarët na dhanë mesazh të qartë për atë se çka presin, si duan të jetë, si dhe kush duhet ta kryesojë Qeverinë e ardhshme. Përfaqësuesve kryesorë politikë u mbetet të sigurojnë shumicë politike stabile përmes së cilës do të arsyetojnë këtë besim dhe do t’i realizojnë kërkesat legjitime të qytetarëve”, theksoi Bujar Osmani nga BDI.

Se nuk kanë bisedime, as kontakte me partitë e tjera politike, pohon edhe kryetari i ASH-së, Zijadin Sela. Ai tha se së pari do të presin që të mbahet seanca e parë konstitutive e Kuvendit ndërsa pastaj do të shohin se si do të veprojë BDI-ja. Nëse fillojnë me negociata, paralajmëroi se njëri prej kushteve është që gjuha shqipe të hyjë në Kushtetutë, e jo siç shkruan tani – gjuha të cilën e përdorin mbi 20% prej popullatës.


“BDI gjatë tërë fushatës kishte vetëm një premtim – kryeministër shqiptar. Le ta bëjnë këtë, ne nuk do ra pengojnë në këtë qëllim. Nëse nuk arrin, ata vetë duhet të shkojnë në opozitë. Ende nuk ka mandatar. Pasi të konstituohet Kuvendi atëherë fillon periudha, dikush do të marrë mandat dhe atëherë fillojnë negociatat”, deklaroi Ziadin Sela, kryetar i ASH-së.

As nga opozitarja VMRO-DPMNE nuk ka informacione nëse ka avancim në pritshmëritë e tyre dhe se do të negociojnë për të formuar qeveri. Ditë më parë Mickoski vetëm tha se janë të hapur për bisedime me të gjitha partitë politike.

TË NGJAJSHME