Moti sot në orët e mëngjesit do të jetë me reshje shiu, ndërsa gjatë ditës pritet përmirësim i motit dhe kthjellime. Do të fryjë erë mesatare deri e përforcuar nga drejtimi perëndimor, ndërsa në disa pjesë të vendit, veçanërisht në perëndim, herë pas here do të jetë e fortë, me shpejtësi mbi 80 kilometra në orë.
Temperaturat minimale do të lëvizin nga 7 deri në 14 gradë, ndërsa maksimalet do të arrijnë nga 14 deri në 22 gradë Celsius.
Në Shkup, mëngjesi do të jetë me mundësi për reshje shiu, ndërsa gjatë ditës pritet mot kryesisht me diell. Temperatura minimale do të jetë 10, ndërsa maksimalja deri në 20 gradë Celsius.
Sipas të dhënave të Drejtorisë për Punë Hidrometeorologjike, në orën 8:30, temperatura më e ulët është matur në Kodrën e Diellit, me 6 gradë Celsius, ndërsa në Shkup janë regjistruar 16 gradë.
Gjatë fundjavës dhe në fillim të javës së ardhshme moti do të jetë me vranësira të ndryshueshme dhe reshje të herëpashershme shiu. Nga e hëna, nën ndikimin e një vale të ftohtë ajrore, temperaturat do të shënojnë rënie, ndërsa në disa vende pritet të zbresin edhe nën zero gradë Celsius.
