Pamela Uba, 26 vjeçe nga Galaway i Irlandës, fitoi çmimin e më të bukurës në garën e sivjetme të bukurisë, Miss Irlanda 2021.
Kjo fituese, e cila është punëtore shëndetësore, njëherësh modele e këngëtare, u bë gruaja e parë me ngjyrë që fitoi këtë titull në historinë 74 vjeçare të organizimit të kësaj ngjarjeje.
Uba në Irlandë shkoi si azilkërkuese nga Afrika e Jugut në moshën shtatë vjeçare, e tani është qytetare krenare e Irlandës.
Ceremonia e zgjedhjes së Miss Irlandës 2021 u mbajt në ambient të hapur në Cavan, raporton The Irish Times.
Uba pas fitimit të titullit Miss Irlanda, në llogarinë e saj në Instagram shkroi se kjo ka shumë rëndësi për të, se është mirënjohëse për fitoren. Ajo po ashtu shkroi se fitorja e saj do të thotë se vajzat tjera me ngjyrë nuk duhet të ndalojnë të arrijnë synimet e tyre. Ajo tha se nuk ka rëndësi se nga vijmë, se me rëndësi është se mund të arrijmë ato që synojmë.
Pamela gjatë pandemisë u agazhua në linjën e parë të frontit, në ndihmë të pacientëve të infektuar. Detyra e saj është që të përcaktojë nivelin e infeksionit tek çdo person.
Miss Irlanda 2021, Panela Uba, u diplomua në lëmin shkencë-mjekësore në Galaway.
Kjo bukuroshe me ngjyrë, në muajin dhjetor do të përfaqësojë Irlandën në garën e bukurisë Miss Bota në Porto Riko.
Ngjarja vjetore Miss Irlanda mbahet që prej vitit 1947./21Media
