Presidenti slloven Borut Pahor deklaroi se çështja e demarkacionit slloven-kroat është zgjidhur me marrëveshjen për arbitrazh të kufirit dhe se kjo çështje nuk është e lidhur me vendimin e Kroacisë të shpallë zonë ekonomike ekskluzive në Adriatik.
“Kufiri detar ishte caktuar me marrëveshjen e arbitrazhit, si dhe rrjedha kryesore e kufirit tokësor, ndërsa ende nuk është konfirmuar vetëm si të implementohet ky vendim i arbitrazhit”, tha Pahor në intervistën e mbrëmshme për televizionin slloven”, transmetoi portali kroat Indeks.
Duke u përgjigjur në pyetjen në lidhje me marrëdhëniet me Kroacinë, Pahor përsëriti se çështja e kufirit tashmë nuk paraqet problem për Slloveninë dhe tha se është i bindur që zgjidhja e arbitrazhit më herët ose më vonë do të zbatohet në terren.
Kroacia nuk e pranon arbitazhin dhe dëshiron vendimi përfundimtar të arrihet me marrëveshje bilaterale.