Osmani pret zgjidhje me Bullgarinë

TË FUNDIT

Shefi i diplomacisë, Bujar Osmani, vlerëson se paralajmërimi për formimin e qeverisë politike në Bullgari do të lehtësojë tejkalimin e çështjeve të hapura dhe me këtë është e mundshme që të zhbllokohet rruga evropiane e vendit tonë. Theksoi se në mënyrë intensive po punohet në definimit ne përgjigjes sonë të 5+1 pikave dhe se pritet që këto ditë të dorëzohet përgjigja e këtyre propozimeve që do të jenë bazë për raundin e ardhshëm të negociatave. Më 1 dhjetor duhet të mbahet seanca e parë e parlamentit bullgar, por mbetet e paqartë nëse deri te mbajtja e Këshillit të BE do të arrihet marrëveshje me Bullgarinë.

 “Ne presim që ditët e ardhshme të ketë disa hapa konkret në aspekt të shkëmbimit të propozimeve, presim takim mes ekspertëve nga dy ministritë dhe eventualisht ata qëndrime të përfarohet edhe më shumë me mundësi që të gjendet zgjidhje e caktuar. Nëse dëshirohet, nëse kapet pesha e momentin, 14 ditë janë të mjaftueshme që të arrihet marrëveshje në bazë të asaj që kemi punuar deri më tani”, tha ministri i Punëve të Jashtme, Bujar Osmani.

Dje u mbajt takimi i katër partive që duhet ta përbëjnë kabinetin e ri qeveritar ku në suaza të marrëveshjes për politikë të jashtme u bisedua edhe për bisedimet me Maqedoninë. Kristijan Vigenin nga Partia socialiste bullgare theksoi rëndësinë e ekzistimit të udhërrëfyesit, ku qartë do të theksohen obligimet e Maqedonisë ndaj Bullgarisë për çka vlerësojnë se duhet të jenë pjesë e kornizës negocuese.

 “Në atë udhërrëfyes duhet të përfshihen çështjet e ndjeshme për Bullgarinë dhe në mënyrë adekuate ato çështje duhet të jenë pjesë e kornizës negocuese të BE me RMV. Pa qenë edhe ajo çështje pjesë e kornizës negocuese ne nuk kemi asnjë mekanizon real institucional i cili do të garantojë se Maqedonia e Veriut, pavarësisht ndryshimit të Qeverisë atje, do të plotësojë obligimet kur të ndodh kjo gjë”, potencoi Kristijan Vigenin – PSB.

Në lidhje me këtë sot foli edhe kryetari i VMRO-DPMNE, Hristijan Mickoski, sipas së cilit do të arrihet zgjidhje që do të jetë në dëm të interesave nacional.

 “Nuk e dinë si ta zgjidhin këtë, mënyra e vetme e tyre është na jepni që të nënshkruajmë në fletë ndonjë marrëveshje, ndërsa atë marrëveshje përsëri do të dëgjojmë nga ana e shumicës së re parlamentare te fqinji ynë lindor, supozoj Qeveria e re bullgare duhet në mënyrë praktike t’i përmbajë ose pjesërisht ose plotësisht fjalitë ose kapitujt që janë pjesë e Rezolutës së miratuar nga ana e Parlamentit bullgar me të cilën mohohet identiteti maqedonas”, deklaroi kryetari i VMRO-DPMNE-së, Hristijan Mickoski.

Këshilli i BE duhet të mbajë takim më 14 dhjetor kur do të dihet nëse deri atëherë do të arrihet marrëveshje me Bullgarinë dhe me këtë do të largohet bllokada që Maqedonia të fillojë negociatat me BE.