Osmani: Gruevski ka informacione, s’është mirë që është jashtë vendit, më mirë të jetë në Maqedoni dhe të përballet me drejtësinë

Ish-kryeministri Nikolla Gruevski duhet të jetë në Maqedoni dhe të përballet me drejtësinë. Kështu komentoi ministri i Jashtëm, Bujar Osmani në një intervistë për TV21, duke aluduar se siguria e shtetit është trazuar nga mungesa e ish-kryeministrit, i cili gëzon azil politik në Budapest të Hungarisë.

“Nga pikëpamja politike, është një çështje që e di që do të abuzohet, por nga pikëpamja e sigurisë, të kesh një kryeministër që ishte kryeministër yt për më shumë se 10 vjet dhe ka të gjitha informacionet e shtetit, ndërsa tani është në duart e një shteti tjetër, kjo nuk është gjë e zgjuar për asnjë vend në botë”, tha Bujar Osmani në emisionin Analiza, me Borjan Jovanovskin më 21.
Por, Osmani shtoi se nuk ka asnjë iniciativë për kthimin e tij në Maqedoni.

“Më mirë është që ai të jetë këtu dhe të merret me proceset gjyqësore që ka. Kjo do të ishte zgjidhja më e mirë. Prandaj e them këtë në mënyrë më analitike dhe gjithë kjo famë që rrethon një lloj komunikimi është ajo frika psikologjike që nuk e kuptojmë”, shton Osmani.
Ai, në intervistë i referohet edhe grindjes mes liderit aktual dhe ish-liderit të VMRO-DPMNE-së.

“Mendoj se tema e Gruevskit është më shumë frika dhe panik që del nga VMRO-DPMNE. Është një lloj shqetësimi psikologjik që ata kanë, marrëdhëniet e tyre të brendshme që ne nuk i dimë. Ata mendojnë se logjika është që kur e di se ke një problem, mendon se të gjithë e dinë dhe neve vazhdimisht po na serviret ai problem, por ne nuk e dimë se çfarë po ndodh atje. Është trazirë dhe panik në partinë opozitare ndaj karakterit psikologjik të Gruevskit”, shton Osmani.