Osmani: Edhe në Kuvend nuk do të kemi më Badinter, “Ligji i ri s’mund të thirret në asnjë nen të Kushtetutës”

Nënkryetari i BDI-ë Bujar Osmani në DailyClick TV21 tha se Ligji të cilin po e përgatisin VLEN dhe VMRO DPMNE, për ta zëvendësuar Balancuesin nuk mund të thirret në kushtetutë, për shkak se sic thotë,  me vendimin e fundit të kushtetueses është ndaluar përkatësia etnike. 

“Do të miratohet Ligji për përfaqësim etnik, në cilin nen të gjykatës kushtetuese të thirret ai ligj, nëse gjykata kushtetuese ka parandaluar përdorimin e përkatësisë etnike në qasjen e institucioneve, ku do të thirret, çdo ligj kur miratohet thirret në një nen të kushtetutës , nuk mundet ligji të jetë në ajër i pa bazuar në kushtetutë. Prandaj po them. Nuk është problem balancuesi, nuk është problem ligji. Është problem vendimi i kushtetueses që qytetarët të mos kenë më përkatësi etnike. Unë dhe ti, pas këtij vendimi Shteti nuk na njeh më si shqiptar”, tha nënkryetari i BDI-së, Bujar Osmani.

Jo vetëm kjo, me vendimin e gjykatës kushtetuese pasojat do të vijnë një pas një, thotë Osmani. Sipas tij në të ardhmen nuk do të kemi më as Badinter.

 “Nuk ka kjo të bëjë me sistemin digjital të bancuesit, nesër deputetet, kur do të regjistrohen në parlament, dikush do u thotë ju nuk keni të drejtë çfarë përkatësie jeni, për shkak vendimit të gjykatës kushtetuese. nëse deputetët nuk kanë të drejtë të shprehin përkatësinë etnike, nuk ka më Badinter, pa Badinter nuk ka më as marrëveshje të Ohrit”, deklaroi Bujar Osmani – nënkryetar i BDI-së.

Në lidhje me keqpërdorimin e Balancuesit, Osmani tha se ka pasur mënyra tjera për zgjidhje e jo siç tha, pikon çatia ta rrënojmë tërë shtëpinë. Sipas tij Balancuesi është vetëm dëm kolateral i këtij tërmet që po ndodh. Osmani shtoi se po të ishte BDI në Qeveri asnjë vendim i gjykatës kushtetuese nuk do të ndodhte.