Opozita shqiptare pyet Xhaferin ku mbeti Ligji për shtetësinë, pse nuk kthehet diskutimi për të?

Koalicioni opozitar shqiptar, Aleanca për Shqiptarët dhe Alternativa, nëpërmjet një konference për media para Kuvendit, ka pyetur kryeparlamentarin, Talat Xhaferi se ku ka mbetur Ligji për shtetësi dhe pse i njëjti nuk vihet në rend dite.

Ata kanë pyetur se kur do të kthehet seanca e 25-të ku në rend dite është ky ligj, ndërkaq kanë vlerësuar, se prolongimi i këtij ligji, ka për qëllim të pengohet miratimi i tij.

“Ne kërkojmë nga ju përgjigje publike, kush ju shtyn ta pengoni këtë dhe për interesa të kujt e bëni këtë. Nëse ju vazhdoni të silleni kështu ndaj kësaj të drejte të qytetarëve, ne do të vazhdojmë t’ju konsiderojmë përgjegjës kryesor që qytetarët nuk mund të pajisen me shtetësinë, ndërsa ju duhet ta sqaroni arsyen pse e bëni këtë”, tha Selam Sejfulla nga ky koalicion./TV21