Qeveria gjermane nuk ka njohuri se Kina ka mbajtur të fshehta çfarëdo lloj të dhënash lidhur me epideminë e koronavirusit, kumtoi sot Ministria e Shëndetësisë.
Sipas “Rajnishe Post”, Ministria theksoi se për definicion dhe numërim të infektimeve të konfirmuara nevojitet rezultat laboratorik dhe se në Kinë, në një periudhë, vetëm rastet e tilla me simptoma adekuat klinik dhe rezultat radiologjik janë udhëhequr si raste të konfirmuara.
“Duke e pasur parasysh situatën e tanishme, adaptimi i definicionit gjatë epidemisë është i kuptueshëm”, thonë nga Ministria, duke u përgjigjur në pyetjen e deputetëve.
Në fillim të epidemisë, Kina përdori definicion më pak të kapshëm për raste të konfirmuara të koronavirusi, ndërkaq pasi u ndërrua definicioni, erdhi deri te rritja e madhe e numrit të infektimeve të konfirmuara në atë vend.
SHBA-ja dhe disa vende të tjera e akuzojnë Kinën se në fillim të vitit ka tentuar ta fshehë gjendjen e vërtetë me përhapjen e infektimit./MIA