Nuhiu fillon sot aventurën evropiane me Dritën e Gjilanit

Sonte vëmendja e futbollit kosovar është te Drita e Gjilanit.  Kampionët e Kosovës zhvillojnë ndeshjen paraeliminatore në kuadër të Ligës së Kampionëve. Ekipi i drejtuar nga trajneri shkupjan Ardian Nuhiu ndeshet sonte në 18:00 me Inter d’Eskalades nga Andorra dhe në rast se fiton, do të luajë ndaj fituesit të çiftit Tre Fiori-Linfield.

Më pas gjilanasit do të kenë mundësi të marrin pjesë në fazën eliminatore, ku bën pjesë edhe Tirana. Ndeshjet do të zhvillohen në fushë asnjanëse dhe Drita do të luajë në Nion të Zvicrës.