Një testim klinik në SHBA tregoi rikuperim më të shpejtë me ilaçin “remdesivir”

Pacientët me COVID-19 të cilët e kanë shfrytëzuar ilaçin “remdesivir” janë shëruar 30 për qind më shpejtë se sa ato me placebo, tregojnë rezultatet nga hulumtimi i madh klinik amerikan.

Kjo është hera e parë që një testim klinik i realizuar sipas rregullave të arta të hulumtimeve klinike – testimin e ilaçit për grup kontrollues dhe ekzemplarë të mjaftueshëm të tregojë efikasitet në ndonjë ilaç ndaj koronavirusit të ri.

Instituti nacional amerikan për alergji dhe sëmundje infektive (INIAID) i cili e ka realizuar hulumtimin, publikoi se pacientët të cilët kanë shfrytëzuar “remdesivir” janë shëruar 31 për qind më shpejtë se ata me placebo.

“Koha mesatare e rikuperimit te pacientët të trajtuar me remdesiver ishte 11 ditë në krahasim me 15 ditë për ata në grupin kontrollues”, kumtoi Instituti NIAID.

Hulumtimi ka treguar se pacientët të cilët kanë e marrin këtë ilaç kanë më pakë mundësi të vdesin, edhe pse dallimi do të ishte i vogël. Shkalla e mortalitetit ka qenë tetë për qind me “remdesvir” në proporcion me 11,6 për qind për grupin e placebo./MIA