“Nga zemra për Leonid Indovin”/ Aksion humanitar nga nxënësit e 23 shkollave të Shkupit

“Nga zemra për Leonid Indov”, quhet aksion humanitar i nxënësve të 23 shkollat e mesme të Shkupit për të grumbulluar të holla për bashkëmoshatarin e tyre që po trajtohet në Austri.

Në shkollën e mesme “Georgi Dimitriov” të gjithë ata që dëshironin të ndihmojnë, blenë gjëra të ndryshme të punuara nga nxënësit, para të cilat do të jepen për shërimin e Leonidit.

“Sot shkolla jonë organizon ngjarje humanitare për Leonidin dhe gëzohem që të gjithë shkollat janë këtu që të tregojmë mbështetjen tonë për Leon.”

“Në ngjarjen e sotme kemi ushqime, kemi koncert, DJ, kemi shkruar porosi ku shpresoj që edhe Leo do t’i lexojë.
-Në gjeneratë jeni me Leon? Çfarë porosie dëshironi të dërgoni së bashku?
-Duam të ketë shërim të shpejtë. Shpresojmë që të ulet së bashku me ne në karriget e shkollës, do të vazhdojmë së bashku të shoqërohemi me të dhe të bashkohemi të gjithë.

“Në çfarëdo mënyre vetëm t’i jepet ndihmë dhe shpresoj që do e ndihmojmë me fondet e mbledhura për mjekimin e tij.”

Ky aksion po bëhet pasi Fondi për Sigurim Shëndetësor nuk i pagoi ndërhyrjet mjeksëore që janë bërë në Austri.

Për FSSH, fajin e ka komisioni mjekësor i nivelit të parë që nuk përmbante kërkesat specifike që pacienti të marrë miratimin për rehabilitim, por edhe ligji i pandryshuar me të cilin i njëjti rehabilitim nuk është pjesë e kostove që i mbulon FSShM-ja për trajtim jashtë vendit.

“Fëmija edhe dje edhe sot që po diskutohet, prindërit e tij nuk kanë kërkuar asnjë mendim nga institucioni përkatës se a ka mundësi apo pamundësi për mbarimin e mjekimit, domethënë rehabilitim për atë fëmijë, në spitalet tona. Mendoj se fillimisht duhet të shkohet në atë rrugë, më pas ta shohim dokumentacionin mjekësor, ta shohim pacientin në mënyrë klinike dhe më pas kolegjiumi i ekspertëve i klinikave kompetente të jep mendim nëse ka mundësi për mjekim, për vazhdim të mjekimit apo rehabilitim në institucionet tona.”- deklaroi Maja Manolleva, Zv/ministre e Shëndetësisë.

Përndryshe disa javë më parë autoritetet shëndetësore dhe përfaqësues të MPB-së publikuan video se si me medikopter ishte dërguar për trajtim jashtë vendit. Megjithatë familja e Leonidit këmbëngulë që Fondi ta ndryshojë vendimin pasi nëse do të kishte kushte për ta trajtuar Leonidin këtu, nuk do ta dërgonin në Austri.