Pagesa e pensioneve të muajit maj fillon nga e
mërkura, 27 maj, informojnë nga Ministria e Punës dhe Politikës Sociale.
Pagesa e parakohshme dhe në faza e pensioneve realizohet për të dytin
muaj me radhë, me qëllim të mbrojtjes më të madhe të pensioneve në
kushte të rrezikut nga koronavirusi KOVID-19.
Pensionistët të cilët shfrytëzojnë kartela pagesore lidhur me llogarinë në të
cilën transferohet pensioni, me paratë mund të disponojnë nga e mërkura
27 maj. Ata mund ta marrin pensionin e majit në bankomatet ose t’i
shfrytëzojnë mjetet për pagesë në rrjetin tregtar.
Marrja e pensioneve përmes filialeve dhe ekspoziturave të bankave për
pensionistët të cilët nuk shfrytëzojnë kartela do të realizohet në katër grupe,
sipas vlerës së pensionit.
-Të mërkurën, më 27.05.2020 pagesa e pensioneve me vlerë deri në 11.000
denarë.
-Të enjten, më 28.05.2020 pagesa e pensioneve në vlerë prej 11.000
denarëve deri në 14.000 denarë.
-Të premten 29.05.2020 pagesa e pensioneve në vlerë prej 14.001 denarë
deri në 18.000 denarë.
-Të hënën, më 01.06.2020 pagesa e pensioneve në vlerë prej mbi 18.000
denarë.
Procesimi në faza i pensioneve, informojnë nga MPPS, do të mundësojë
zbatim të rekomandimeve dhe masave për parandalim dhe përhapje të
virusit, duke e pasur parasysh atë që pensionistët si grup i rritur janë më të
rrezikuar.
Ministria e Punës dhe Politikës Sociale tregon se pensionet janë të sigurta në
llogaritë e shfrytëzuesve, sistemi pensional është stabil dhe funksion pa
probleme dhe apelojnë që pensionistët t’i përmbahen orarit për pagesat,
sepse pagesa në faza është bërë me qëllim që të zvogëlohet turma para
bankave dhe mundësitë për rrezikim të shëndetit personal dhe publik.
Gjithashtu, përkujtojnë edhe në obligimin e mbajtjes së maskave e cila e
mbulon pjesën e hundës dhe të gojës dhe mbajtje të distancës prej të
paktën dy metrave gjatë pritjes në radhë dhe brenda në banka.