Kolonë makinash sot e përcollën për në banesën e fundit deputetin Amdi Bajramin.
Tek varrezat të afërmit dhe ato që e njohën shkuan për t’i dhënë lamtumirën e fundit.
Amdi Bajarm ndërroi jetë dje në moshën 64 vjeçare si pasojë e komplikimeve shëndetësore theksoi ministri i Shëndetësisë Filipçe gjatë ditës së djeshme. Disa orë më vonë, Ministria e Shëndetësisë doli me kumtesë duke thënë se nga testi për COVID 19 që i është bërë pas vdekjes, deputeti Amdi Bajram ka dalë pozitiv.
“Ministria e Shëndetësisë informon se pasi që i ndjeri Amdi Bajram doli pozitiv për Kovid-19, Qendra për Shëndet Publik-Shkup merr të gjitha masat për të mbrojtur dhe parandaluar përhapjen e mëtejshme të infeksionit brenda dhe jashtë familjes së tij dhe të gjithë atyre që në të kaluarën ata kishin kontakte intensive dhe të ngushta me të ndjerin”, thonë nga Ministria e Shëndetësisë.
Mirëpo, Tv21 sot kontaktoi me familjen e të ndjerit. Gjatë një bisede telefonike, ata thanë se Amdiu ka ndërruar jetë nga sulmi në tru dhe jo nga koronavirusi. Megjithatë djali i deputetit të ndjerë, Gabriel Bajram në rrjetin social Facebook kërkoi nga pjesëmarrësit në varrim të respektohen masat anti-covid.
“Sipas rekomandimeve ju lutem të gjithë që do të merrni pjesë në varrmin të mbani distancë sociale dhe detyrimisht të mbani maska”, tha Gabriel Bajram.
Ish-deputeti po bënte një dasmë për mbesën e tij në Turqi disa ditë më parë, për shkak të ndalimit të dasmave dhe festave të tjera familjare në vendin tonë.
Nga këtu, epidemiologët do të kërkojnë kontaktet e të pranishmëve në dasmë. Në varësi të rrezikut të infektimit, do të përcaktohet se kush do të testohet.