Neymar pret që “Katar 2022” të jetë Kupa e Botës e fundit për të

TË FUNDIT

Neymar ka pranuar se nuk pret të luajë një Kupë Bote tjetër pas turneut “Katar 2022”, pasi tendosja e lojës së futbollit ka ndikuar në trupin dhe mendjen e tij.

Ylli brazilian kryesoi përpjekjet e kombit të tij për të fituar kurorën e tyre të gjashtë në edicionet 2014 dhe 2018, vetëm për t’i parë ato përpjekje të dështojnë në fazat gjysmëfinale dhe çerek-finale respektivisht.

Dhe me pak më shumë se një vit para fillimit të kompeticionit tjetër, ai nuk është optimist për zgjerimin e karrierës së tij ndërkombëtare deri në Kupën e Botës 2026 në SHBA, Kanada dhe Meksikë.

“Mendoj se është Kupa ime e fundit Botërore”, ka thënë fillimisht ylli i Paris Saint-Germain në dokumentarin e ri ekskluziv të DAZN, “Neymar & The Line Of Kings”.

“Unë e shoh atë si turneun tim të fundit sepse nuk e di nëse kam forcën e mendjes për t’u marrë më me futbollin”.

“Kështu që unë do të bëj gjithçka për të dalë mirë, të bëj gjithçka për të fituar me vendin tim, për të realizuar ëndrrën time më të madhe që kur isha i vogël. Dhe shpresoj se mund ta bëj”, përfundoi braziliani.

MARKETING I PAGUAR POLITIK