Kryeministri izraelit, Benjamin Netanyahu, ka shpërndarë në rrjetin “X” një video ku shihet teksa blen dhe shijon kafe në një lokal. Video vjen në një kohë tensioni, pasi Teherani ka kërcënuar se do ta vrasë liderin e Izraelit pas sulmeve izraelite dhe amerikane në Iran. Disa raportime madje pohuan se Netanyahu ishte vrarë.
Në pamje, Netanyahu thotë se po vdes për kafe, duke ironizuar mbi kërcënimet me vrasje: momentalisht, sipas tij, të vetmen gjë për të cilën po vdes është kafeja. Në video ai shkroi në mbishkrim: “Ata thonë se unë jam çfarë? Shiko.”
אומרים שאני מה? צפו >> pic.twitter.com/ijHPkM3ZHZ
— Benjamin Netanyahu – בנימין נתניהו (@netanyahu) March 15, 2026
Ndërkohë, Garda Revolucionare e Iranit ka deklaruar se do ta “ndjekë dhe vrasë” kryeministrin izraelit. Mosqenia e Netanyahu në Mbledhjen e Këshillit Ushtarak të Izraelit ka shtuar më tej spekulimet rreth kërcënimeve iraniane.
Pasi u përhapën teoritë konspirative në mediat sociale se ai ishte vrarë në një sulm iranian, kjo është shfaqja e parë në publik e kryeministrit iranian.
“E dua kombin tim deri në vdekje”, thotë më tej ai, “dhe mënyrën se si po sillen ata”.
Ai gjithashtu ngre të dyja duart për të treguar se ka 10 gishta, pas thashethemeve se konferenca e tij për shtyp e transmetuar të enjten ishte një version i tij me Inteligjencë Artificiale.
Një nga pretendimet në llogaritë e mediave sociale anti-Izrael ishte se pamjet nga konferenca për shtyp e tregonin atë me gjashtë gishta në njërën dorë.
Netanyahu thotë se izraelitët duhet të largohen nga shtëpitë e tyre për të marrë pak ajër të pastër, por të qëndrojnë pranë strehimoreve.
Ai gjithashtu premton se kufizimet qeveritare për aktivitetin do të hiqen sa më shumë që të jetë e mundur.