Në suaza të kontrolleve të përforcuara në fushën e komunikacionit në territorin e Qytetit të Shkupit gjatë ditës së djeshme janë shqiptuar gjtihsej 380 gjoba, mes të cilave 59 për vozitje pa patentë shoferi dhe 39 gjoba për parregullsi teknike dhe automjete të paregjistruara.
Ministria e Punëve të Brendshme sot informon se 86 masa janë shqiptuar për automjete të parkuara në mënyrë të parregullt dhe 31 për mosmbajtje të maskës mbrojtëse.
Kontrollet e përforcuara të komunikacionit vazhdojnë edhe në ditët në vijim, potencojnë nga MPB dhe apelojnë deri te qytetarët t’i respektojnë rregullat dhe dispozitat e komunikacionit për ta rritur sigurinë në komunikacion.