Në repartet infektive në vend janë të hospitalizuar 1313 pacientë

Gjatë 24 orëve të kaluara në qendrat e kovidit në spitalet e vendit është raportuar se po mjekohen gjithsej 870 pacientë pozitivë dhe të dyshuar me virus korona, njoftoi Ministria e Shëndetësisë.

Pas raporteve të spitaleve të cilat arrijnë çdo ditë në Ministrinë e Shëndetësisë, në spitalin në Manastir janë të hospitalizuar 78 pacientë pozitivë dhe të dyshuar për Kovid-19. Në spitalin në Shtip janë të hospitalizuar 58 pacientë, në repartin infektiv në Tetovë ka 44 pacientë, në Veles po mjekohen 61 të sëmurë, ndërsa në Kumanovë 119 pacientë pozitivë dhe të dyshuar në Kovid-19.

Në qendrën e kovidit në Ohër janë të hospitalizuar 100 pacientë, në Prilep 119, në qendrën e kovidit në Gostivar 66, ndërsa në Strugë 34 të sëmurë. Në spitalin në Strumicë janë hospitalizuar 75 pacientë, në Koçan 25, në Kërçovë 18, Kavadar 54, në Gjevgjeli 10 persona, ndërsa në Dibër shtatë pozitivë dhe të dyshuar me virus korona.

Numri i përgjithshëm i pacientëve pozitivë dhe të dyshuar me virus korona të cilët po mjekohen në repartet infektive në kryeqytet dhe në spitalet përgjatë vendit është 1.313 dhe ka rreth 150 shtretër të lirë në qendrat e kovidit. Ministria e Shëndetësisë thekson se duhet të merret parasysh se shifrat ndërrohen nga ora në orë, sipas pranimeve të bëra dhe lëshimeve të pacientëve.

Gjatë ditës bëhen edhe lëshime të pacientëve të shëruar me çka do të lirohen shtretër shtesë. Përndryshe, të gjitha repartet e spitaleve klinike kanë pajisje për furnizimin me oksigjen. Ministria e Shëndetësisë është në kontakt të vazhdueshëm me të gjitha spitalet dhe nëse është e nevojshme, kapacitetet e reparteve kovid do të zgjerohen më tej, thuhet në kumtesë.