Në Kuvend do të promovohet grupi parlamentar për të drejtat e personave LGBTI

Në Kuvend sot do të themelohet dhe promovohet grupi parlamentar ndërpartiak për të drejtat e personave LGBTI.

Promovimi i këtij grupi është pjesë e shënimit të Ditës Ndërkombëtare të të Drejtave të Njeriut, ndërsa në të do të marrin pjesë deputetë nga përbërja aktuale parlamentare nga parti të ndryshme politike.

Pas promovimit të GPND të personave LGBTI, konferencë për shtyp do të mbahet nga deputetja Maja Moraçanin dhe deputetë nga nisma për themelimin dhe promovimin e grupit së bashku me përfaqësuesit e organizatave joqeveritare.