Qeveria e Kosovës sot do të mblidhet për të miratuar masat e reja anti-Covid të propozuara të martën nga Ministria e Shëndetësisë dhe institucionet përkatëse.
Kjo mbledhje pritet të mbahet sot nga ora 17:30.
Masat do të hyjnë në fuqi nga 20 gushti dhe të njëjtat janë: Sallat e dasmave të punojnë deri në orën 22:30 me kapacitet të klientëve 150 të pranishëm; klubet e natës dhe diskotekat mbyllen deri më datë 01.09.2021; të gjithë restorantet ditore, kafiteritë etj. punojnë deri në orën 22:30; nga data 20.08.2021 pa dëshmi vaksinimi apo test PCR nuk lejohen klientët në ambiente hoteliere-gastronomike.
Ministria e Shëndetësisë ka njoftuar se 5 persona të infektuar me COVID-19 kanë vdekur, ndërsa 1 mijë e 765 persona të tjerë kanë rezultuar pozitivë me COVID-19 nga 9 mijë e 581 testime të bëra gjatë 24 orëve të kaluara./21Media