Në veri të Irakut është gjetur një varrezë masive, në të cilën besohet se janë varrosur trupa të më shumë se njëqind personave, të cilët me siguri janë vrarë nga pjesëtarët e Shtetit Islamik në Irak dhe Levant (SHI).
Varreza është gjetur të hënën në fshatin Hamejdat, në perëndim të Mosulit, gjashtë vjet pasi SHI-ja e shpalli kalifatin, që shtrihej në lindje të Sirisë deri në veri dhe perëndim të Irakut.
“Mjekët ligjorë filluan hetim, por epidemia e koronavirusit i pengoi gërmimet”, deklaruan personat zyrtarë në Mosul për mediumet amerikane.
Identifikimi i trupave nuk ka filluar, por supozohet se bëhet fjalë për të dënuar shiitë të cilët ishin nxjerrë nga burgu lokal nga ana e pjesëtarëve të SHI-së dhe janë vrarë menjëherë pasi e kanë ndërmarrë Mosulin në qershor të vitit 2014.
Pjesëtarët e SHI-së supozohet se kanë vrarë deri në 600 të burgosur, kryesisht shiitë, shtojnë agjencitë perëndimore./MIA