Në Gjevgjeli është shuar edhe një zjarr

Zjarrfikësit e Gjevgjelisë, të ndihmuar nga policia kufitare vendase dhe të huaj, punonjës të NË “Komunalec” dhe banorë të fshatit Bogorodicë shuan një zjarr tjetër afër kazinosë “Princes” dhe pikës së karburantit të “Lukoil”.

“Rreth mesditës, zjarri u vërejt në anën e kundërt të kodrës, e cila u dogj dje dhe u raportua menjëherë. Ndërhyrja në kohë parandaloi përhapjen e zjarrit në kazinotë “Skaj” dhe “Princes”, në pikën e karburantit “Lukoil” dhe në vendbanimin e Bogorodicës. Ky ishte edhe një aksion tjetër me të cilin autoritetet kompetente, në bashkëpunim me qytetarët, nuk lejuan një katastrofë me përmasa më të mëdha”, tha Igor Rizov, komandant i NTZ Gjevgjeli.

Supozohet që faktori njerëzor të jetë shkaku i zjarrit të sotëm, i cili përfshiu një sipërfaqe prej një hektar pyll pishe dhe bar të thatë.