Një paciente 47-vjeçare me leukemi akute dhe Kovid ka ndërruar jetë dje në Klinikën e Shkupit. Sipas LSDM-së, është skandal i madh për të cilin përgjegjësi duhet të mbajnë organet shëndetësore. Informacionet e partisë opozitare thonë se ajo ka pasur nevojë për respirator dhe i është refuzuar shtrimi në Urgjencë, por edhe në Klinikën Infektive, e cila aktualisht është duke u rinovuar.
“Fatkeqësisht, më e keqja ndodhi. Kemi një rast vdekjeje – një paciente e cila ishte në gjendje të rëndë fillimisht nuk është pranuar në repartin e kujdesit intensiv në Klinikën Infektive, e më pas nuk është pranuar as në KARIL dhe më pas ka ndërruar jetë. Për këtë skandal duhet të ketë përgjegjësi”, tha Bogdanka Kuzeska, LSDM .
Ministri i Shëndetësisë, Arben Taravari, siguron se pacientja është trajtuar siç duhet në Klinikën e Hematologjisë.
“Le të marrim të dhëna përfundimtare, por nuk ka asnjë gabim mjekësor, për këtë unë garantoj që pacientja është trajtuar sipas të gjitha protokolleve dhe garantoj se është bërë i gjithë trajtimi i nevojshëm dhe kjo me siguri, ndërsa se duhet të rinovojmë disa reparte dhe se duhet të rinovojmë”, tha Arben Taravari.
Taravari shtoi se gjendja shëndetësore e pacientes ishte me prognozë të keqe.
“Për fat të keq, shkaku i vdekjes së pacientes nuk është se nuk ka punuar Kujdesi intensiv në Klinikën infektive”, tha Taravari.
Ministri theksoi se gati të gjitha klinikat pranë Qendrës klinike kanë reparte për shërim intensiv dhe thekoi se derisa zgjat rinovimi, ka vend se ku do të shtrihen pacientët. Ai paralajmëroi se së shpejti do të fillojë rinovimi i sallave kirurgjike dhe të Klinikës së anesteziologjisë.