Murinjo nuk ka përfunduar me transferimet në Totenhem

Përforcimet e reja të Totenhemit do të jenë në dispozicion të Zhoze Murinjos për ndeshjen kundër Lokomotivës. Ekipi nga Londra do të jetë mysafir i fituesit të Kupës së Bullgarisë në ndeshjen e xhiros së dytë kualifikuese nga Liga e Evropës.

Sparsi janë aktivë në tregun e transferimeve këtë verë, edhe pse nuk japin shuma të mëdha për lojtarë të rinj. Ata e sollën mesfushorin Pjer-Emil Hojberg për 15 milionë funta nga Sauthemptoni, e morën agjentin e lirë, Xho Hart si portier rezervë, ndërsa dje e finalizuan transferin e mbrojtësit të djathtë, Met Doerti nga Uolverhempton.

Në fillim të verës e blenë edhe Xhovani Lo Selso. Sezonin e kaluar, mesfushori argjentinas luajti për Totenhemin si huazim, por kontrata kishte opsion që ta blinte.

Murinjo dëshironte të merrte mbrojtës t[ë djathtë dhe te Doerti gjeti lojtar me përvojë. Ndërkohë, ai u lirua nga Kajll Uoker – Peters, i cili u transferua në Sauthempton. Serzh Orie, gjithashtu, sipas gjitha gjasave do ta lërë klubin. Jan Vertongen shkoi në fund të sezonit të kaluar, pasi i përfundoi kontrata me “spars”.

Menaxheri i Totenhemit dëshiron të tërheqë sulmues qendror, sepse në mungesë të Hari Kejn nuk ka kush ta zëvendësojë. Njëri nga opsionet është Diego Kosta nga Atletiko Madridi, ndërsa tjetri është Kalum Uillson nga Bornemuth.

Për ndeshjen në Pllovdiv, ekipi londinez do të mund të llogarisë në mesfushorin, Tangi Ndombele. Futbollisti francez për momentin është në karantinë pasi rezultoi pozitiv për Kovid-19. Ky ishte shkaku që ai ishte larguar nga Franca. Deri në ndeshjen me Lokomotivën, ai mund të shërohet plotësisht dhe të ketë test negativ, por përgatitja e tij është rrezikuar seriozisht dhe lojtari nuk do të jetë në gjendje optimale.