Për TV21, Ministria e Punëve të Brendshme ka konfirmuar se tashmë ka filluar shqipimit i gjobave ndaj organizatorëve dhe pjesëmarrësve në portestën për rastin “Monstra”.
Nga MPB thonë se në pyetje po merren edhe persona të tjerë.
“Ndaj B.A., kurse në lidhje me protestën për të cilën pyetët, i është shqiptuar gjobë sipas Ligjit për tubime publike, kurse do t’i parashtrohet edhe kallëzim penal. Krahas atij, në Stacion Policor po thirren edhe persona të tjerë në lidhje me rastin dhe pas dokumentimin, do të parashtrohen shkresa përkatëse”, thonë nga MPB.
Nga ana tjetër, organizatori i protestës, B.A. në profilin e tij në “Fejsbuk” ka bërë të ditur se gjoba kapë vlerën prej 510 euro.
Gjobat, siç pati paralajmëruar ministri i Punëve të Brendshme, Oliver Spasovski kanë të bëjnë me mosrepsktimin e masave anti-Covid gjatë protestës dhe për shkak të incidenteve që u shkaktuan në protestë.
Protesta për “Monstrën” u mbajt më 29 janar, si shenjë revolte për fjalët përfundimtare të shprehura nga prokurorja Fatime Fetai ku kërkoi dënim për të akuzuarit për vrasjen e pesëfishtë në Liqenin e Smikllovës./TV21