Moti i ligë s’po e lë të punojë kryetarin e Karposhit! Rruga për tek spitali “Kozle” vazhdon të jetë e shkatërruar

Kjo është rruga që të dërgon deri tek Spitali Kozle në Shkup, por është në këtë gjendje të mjerueshme. Nuk është hera e parë që po raportojmë për këtë rrugë. Edhe pse për këtë rruga patën premtuar dy kryetarët, kryetari i komunës së Kaposhit dhe kryetari i Qytetit të Shkupit por nuk është ndërmarr asgjë për ta rregulluar.

Kanë kaluar më shumë se një vit, kur kryetari i Karposhtit Stefan Bogoev deklaroi se shumë shpejt do të rregullohet kjo rrugë. Edhe tani arsyet e mosrregullimit të rrugës janë kushtet klimatike, ndërsa tani është shtuar edhe një tjetër, kriza me pandeminë. Kështu deklaroi kryetari i Karposhit kur e pyetem se pse ende nuk është bërë asgjë.

“Shpresoj që kur do të bëhen kushtet, do të mund edhe ajo të rikonstruohet.

Duke pasur parasysh edhe po na diktojnë edhe kushtet e motit, në fund të fundit edhe ana financiare, në institucionet tona është prekur nga kriza korona por besoj se do të gjendet një mënyrë se si të realizohet ajo”, tha Bogoev.

Kushtet klimatike si duket edhe para një viti e kishin penguar kryetarin e Karposhit për rikontstrumin e  kësaj rruge.

“Tani me ardhjen e pranverës dhe ngritjen e temperaturës së ajrit, na mundësohet që shpejtë, nuk dua të tingëllojë keq, por le të themi se në muajin qershor më së fundi do të përfundojë”, tha Bogoev. Qershori moti ka kaluar por asgjë në këtë rrugë nuk ka lëvizur. Përndryshe Spitali Kozle, tani në këtë