Ministria e Financave: Është paguar transhi i ri drejt Bankës Zhvillimore prej 11.3 milionë euro

Ministria e Financave ka paguar një transh të ri, të pestin me radhë, në shumën prej 700,9 milionë denarë ose 11,3 milionë euro drejt Bankës Zhvillimore, mjete të cilat janë të destinuara për mbështetjen e kompanive vendase, njofton TV21.

Mjetet janë transferuar nga Buxheti mbi bazën e kërkesës së paraqitur nga Banka Zhvillimore dhe pas miratimit të projekteve nga ana e bankave tregtare. Në Buxhetin për vitin 2025 për mbështetjen e ekonomisë vendase dhe kompanive vendase janë planifikuar gjithsej 250 milionë euro. Deri tani janë transferuar drejt kompanive vendase pesë transhe në një shumë totale prej 171,1 milionë euro. Mjetet për mbështetjen e ekonomisë vendase janë siguruar përmes një huaje nga banka hungareze e Eksport-Importit.