“Minçev të mos merret me provokime” – Mexhiti: Ne jemi parti të ndryshme me mendime të ndryshme

Zëvendëskryeministri i parë Izet Mexhiti i vlerësoi si provokim ndryshimet e paralajmëruara në përfaqësim të drejtë në administratë, të cilat i bëri të ditur partneri i koalicionit, ministri i Administratës nga radhët e ZNAM-it, Goran Minçev. Me përllogaritjet e reja të Minçevit, të cilat bazohen në përqindjen e popullsisë rezidente në vend, përfaqësimi i shqiptarëve në administratë ulet në 24.3%, në vend të 29.5% të mëparshëm. Për dallim nga Minçevi, Mexhiti mendon se përqindja duhet të përcaktohet sipas numrit të përgjithshëm të popullsisë.

Balancuesi është vetëm një nga temat për të cilën partnerët e koalicionit nuk mund të gjejnë gjuhë të përbashkët. Mes “VLEN” dhe ZNAM ka pasur debat për përdorimin e flamurin shqiptar në Qeveri, ndërsa ZNAM, por edhe VMRO-DPMNE kundërshtojnë krijimin e Akademisë së Shkencave dhe Arteve të shqiptarëve. Mirëpo, Mexhiti, sikurse kryeministri Mickoski, pohojnë se koalicioni është stabil.

“Kur je në një familje në shtëpi, jo gjithmonë shkon mirë me anëtarët e asaj familjeje, herë pas here do të hasësh keqkuptime, por në një dialog, në një mjedis demokratik dhe miqësor, duhet t’i kapërcesh. Jozyrtarisht mund t’ju them se kemi një shumicë prej dy të tretash në Parlament”, tha Hirstijan Mickoski.

 “Natyrisht, ne jemi parti të ndryshme me mendime të ndryshme. Bëj thirrje që t’i debatojmë dhe t’i zgjidhim në kuadër të Qeverisë dhe jo me deklarata për media”, deklaroi Iet Mexhiti.

Sipas Mickoskit, partnerët në Qeveri nuk duhet të pajtohen për të gjitha çështjet, por më e rëndësishme është të pajtohen për shumicën e çështjeve. Ai e vlerësoi bashkëpunimin e kaluar pesë javor si të sinqertë dhe parimor.