Trump kërcënon emigrantët ilegalë
Në një seri postimesh në Twitter, Trump tha se zyrtarët e migracionit do të nisin, javën e ardhshme, procesin për “largimin e miliona të huajve të paligjshëm, që kanë gjetur rrugën për të hyrë në Shtetet e Bashkuara”.
“Ata do të dëbohen sa më shpejt“, tha Trump.
SHBA-ja përballet me një fluks të madh migrantësh nga Guatemala, Salvadori, Nikaragua dhe shtete të tjera më të varfra të Amerikës Qendrore, përcjell rtv21.tv.
Numri i tyre thuhet se i ka tejkaluar kapacitetet e autoriteteve amerikane për të akomoduar dhe përpunuar të dhënat.
Emigrimi ka qenë temë qendrore e fushatës së Trumpit në vitin 2016.
Trump pritet të shpallë sot kandidaturën për rizgjedhje në vitin 2020 dhe migrimi pritet të dominojë sërish fushatën./21Media
The post “Miliona njerëz do të largohen nga SHBA-të“ appeared first on RTV21.