Milani në kërkim të një sulmuesi, ja dy alternativat 

TË FUNDIT

Milani po mendon për lëvizje në repartin e sulmit për sezonin e ardhshëm, pasi Oliver Giroud nuk garanton shumë për shkak të moshës. Emrat që po ndiqen me interes nga klubi milanez janë disa, duke nisur nga Joshua Zirkzee i Bolognës, i cili po bën shumë mirë këtë sezon në Serinë A, jo vetëm duke shënuar, por edhe duke dhënë asist.

Një tjetër futbollist që pëlqehet shumë në Milano është Benjamin Sesko i Leipzig, i cili ka një klauzolë prej 50 milionë eurosh, për prishjen e kontratës me klubin gjerman.

Slloveni 21-vjeçar shkëlqeu te Salzburg, para se të transferohej te Leipzig, ku në 25 ndeshje ka shënuar 8 gola dhe shihet si një nga futbollistët më premtues në repartin e avancuar.

Sesko është ai që po ndiqet me mjaft interes nga Milani, duke qenë se për Zirkzee ka të drejtën e parablerjes Bayerni i Mynihut dhe vetëm nëse bavarezët heqin dorë, mund të negociojë me klube të tjera.