Milani dhe Interi me stadium të ri, Presidenti i Milanit Scaroni: Do të jetë stadiumi më i bukur në botë

Presidenti i Milanit Paolo Scaroni, deklaroi për Corriere della Sera se stadiumi i ri i përbashkët me Interin do të jetë gati në vitin 2024.

“ Mendoj se jemi në rrugën e duhur. Kemi pasur disa qëndrime të kundërta me Komunën e Milanos, mirëpo besoj se gjithcka do të ecë përpara. Në fund të fundit interesi është i përbashkët pasi kemi të bëjmë më një projekt që do të punësojë 3 mijë persona. Pastaj do të jetë edhe stadium më i bukur në botë. Do të jetë gati për vitin 2024. Do të ketë edhe një fazë kur stadium do të jetë kompletuar dhe San Siro paralelisht me këtë gjë do të vazhdojë të jetë në këmbë” u shpreh presidenti i Milanit Scaroni.

Për një kohë të gjatë pati debate të forta nëse duhej ndërtuar një stadium krejtësisht i ri, apo të rindërtohej San Siro, por në fund triumfoi varianti i parë.

Për të minimizuar shpenzimet u vendos të ndërtohej sërish një stadium i përbashkët, me jo më shumë se 65 mijë ulëse dhe që do të kushtojë deri në 650 milionë euro.