Mickoski: Kriza energjetike do të jetë e tmerrshme! Ekspertët: TEC Manastiri vetëm deri diku do ta zbusë krizën

TË FUNDIT

Edhe pse Qeveria qetëson, megjithatë shqetëson fakti që çmimet e lëndëve të para energjetike shënojnë rritje në tregun botëror. Çmimet e gazit në BE janë në nivel rekord të lartë, kurse problem shtesë është që nuk ka sasi të mjaftueshme. Kryetari i partisë opozitare VMRO-DPMNE, Hristijan Mickoski, në debatin e mbrëmshëm të TV21, tha se pushteti jo vetëm që vonon me masat që duhet ndërmarrë, por edhe udhëheq politika të këqija.

ELEM e gërmon qymyrin tonë, timin, tuajin dhe ia shet EVN HOME për 37 euro për megavat në orë. E shpenzon ujin tim, tëndin dhe ia shet EVM HOME për 37 euro, ndërsa mundej t’ia shes Hungarisë për 237 euro dhe të subvencionojë nga llogaria për energji elektrike e qytetarëve, në vend që të subvencionojë në xhepin e disa kompanive që për momentin japin shërbime për sigurim ose ndonjë lloj tjetër të sigurimit në EVN HOME, siç është ajo Agjencia e njohur për sigurim nga Strumica”.

Se sa do të arrijë të amortizohet goditja e krizës energjetike, tani për tani nuk është e sigurt. Kryeministri Zaev pranoi se do të ketë krizë energjetike por siguron se deri në fund të këtij viti, çmimi i energjisë elektrike është i garantuar. Çfarë pas kësaj?

“Deri vitin e ardhshëm do të jetë edhe më e tmerrshme. Fola me Ursulla Von der Lajen në Lubjanë sepse jemi parti motër, vëmendje të veçantë i kushtojnë furnizimit me energji elektrike energjetik në BE. Furnizim me energji elektrike, nuk pyesin për çmim. Thonë të sigurohemi me energji elektrike”.

Edhe ekspertët tregojnë se kriza energjetike do ta bëjë të vetën. Masa e Qeverisë për import të qymyrit dhe për lëshimin e bllokut të tretë të TEC Manastirit deri diku do ta zbusë krizën.

“Do të mundej, vetëm se e dimë që TEC Manastir ka vite me radhë të menaxhimit të keq, të krimit dhe nuk e di sa kjo do të kontribuojë në zbutje. Çdo përqindje e ekonomisë sonë varet nga energjia elektrike. Kështu që do të presim që çmimet të rriten duke filluar nga prodhimet themelore ushqimore”, vlerëson Visar Ademi, analist.

Çmimi i gazit , sidomos i energjisë elektrike në bursat botërore arrin shuma rekorde. Vetëm energjia elektrike për momentin është rreth 180 euro për megavat në orë.