Kryeministri Hristijan Mickoski kërkoi unitet shtetëror dhe kombëtar në ditën e shënimit të iluministëve sllavë, Qirili dhe Metodi. Përderisa kremtim u organizua edhe në Bullgarinë fqinje, kryeministri Mickoski nga Ohri theksoi se nuk do të hyjë në, siç thotë, debat të kotë se të kujt janë vëllezërit Kirili dhe Metodi.
“Asnjë lëshim i yni në dëmin tonë këto 30 vjet nuk ishte i mundshëm nëse nuk haseshin plasaritje në radhët tonë, po e përsëris, asnjë lëshim nuk do të ishte i mundshëm nëse nuk haseshin plasaritje në radhët tona, nëse nuk bënin ndarje në dëm tonë”, tha Mickoski.
Sipas Mickoskit, ekzistojnë presione dhe bllokada të jashtme, të cilat nga ana tjetër shkaktojnë pengesa brenda shtetit. Ai shtoi se mundësia e popujve që janë paktë në numër është të gjejnë një mënyrë të mençur në interesat e lojtarëve të mëdhenj në skenën politike dhe vlerësoi se kjo është mënyra e vetme për të mbijetuar.
“Këtë të mirë të mbajnë mend edhe ata nga opozita kur e sulmojnë marrëveshjen për partneritet strategjik me Mbretërinë e Bashkuar, andaj thonë se borxhi do të rritet për shkak të investimeve, më pas gënjeshtra se do të sjellin emigrantë… vetëm për të marrë ndonjë pikë politike për vete. Thjesht edhe në aspekt historik dhe çfarëdo aspekti tjetër nuk vlen retorika e tillë dhe po bëhet dëm ndaj shtetit në fund të ditës”, deklaroi Mickoski.
Opozitari Venko Filipçe i cili e dëgjoi fjalimin e Mickoskit e kuptoi thirrjen e kryeministrit për unitet në drejtim të eurointegrimeve.
“Të ulemi dhe të shohim si do të punojmë së bashku për të mirën dhe avancimin e shteti. Tashmë të hënën në takimin e Këshillit nacional për eurointegrime do të jap shembull konkret, propozim, propozim konkret madje edhe në rend të ditës për shkak se vlerësoj se partitë politike më të mëdha në një takim liderësh duhet të bisedojnë për shkak se janë të qarta porositë nga BE”, tha Venko Filipçe.
Përndryshe Mickoski theksoi se nuk do të bie pre e presioneve, e as që do të bëjë pakt me kriminel dhe me ata që e kanë varfëruar shtetin ose që kanë për qëllim që të lidhin pakte në dëm të identitetit të qytetarëve të Maqedonisë.