Mickoski i kundërpërgjigjet Ahmetit!

Kur u pyet se çfarë këshille do t’i jepte liderit të opozitares VRMO-DPMNE, Hristijan Mickoski, kreu I BDI-së Ali Ahmeti, në ClickPlus në fillim u përgjigj si me shaka.

Ali Ahmeti: “Po t’i japësh ndonjë këshillë z.Mickoski, do t’i ketë punët keq në VMRO.

TV21: Pse?

Ali Ahmeti: “Po do e marrin ters. Dikujt “shëndet” t’i thuash, “plaç” i duket”.

Po më pas gjithsesi i dërgoi një këshillë. Të jetë më aktiv në zgjidhjen e kontestit me Bullgarinë.

Ali Ahmeti: “Do të kisha menduar që për interesa madhore të shtetit duhet të jetë shumë më aktiv”.

TV21: Për çfarë?

Ali Ahmeti: “Të mbyllim çështjen, kontestin me Bullgarinë”.

TV21: Po ai aktiv është për çështjen e Bullgarisë.

Ali Ahmeti: “Aktiv por varet…”.

“Kundër është…”.

Ali Ahmeti: “Po varet në çfarë pozite je aktiv…”.

Për të kërkuar kundërpërgjigje për këto, Mickoskin e gjetëm në protestën pikërisht për bisedimet me Bullgarinë, të cilat konsideron se po udhëhiqen në fshehtësi.

“Është interesante të dëgjohet z.Ahmeti, kur në këtë moshë dhe me ato flokë të thinjura, zhgërryhet  publikisht në televizion dhe flet të pavërteta. Si mund të kyçem unë në diçka që nuk kam mundësi. Nuk më ka informuar e as nuk di nga ministri i tij, Bujar Osmani, ose nga partneri i tij i koalicionit, Zoran Zaev, për çfarë bisedohet dhe çfarë është në tavolinë. Ajo që e kemi mësuar nga burime diplomatike, nga Brukseli dhe Sofja”, u shpreh Hristijan Mickoski – kryetar i VMRO-DPMNE-së.

Në fund, siç tha, si më i vogël se Ahmeti në moshë, Mickoski i dërgoi një këshillë kreut integrist duke i thënë se “nuk i duhet që kështu të duket fundi i karrierës së tij politike”.