Këta janë shtetas gjerman.
Janë aktivistë të organizatës Humanitare FrendsHelpFrends.
Erdhën nga Gjermania për të ndihmuar familjet nevojtare në vendin tonë.
Bashkë me iniciativën “Dora e Mëshirës” organizuan mbledhjen e 100 pakove ushqimore që u dërguan tek familjet në nevojë.
Njëra prej anëtarëve të iniciativës Dora e Mëshirës Lule Miftari thotë se në këtë ramazan janë shtuar edhe kërkesat për ushqim, e kjo është arsye e pandemisë.
“Për shkak siç e dini edhe ju, me fillimin e pandemisë, mbetën shumë familje pa punë dhe kjo shkaktoi që të ketë fluks më të madh të familjeve që kërkojnë ndihmë. Vjet kemi shpërnda shumë pako. Kemi arritur maksimumin edhe pse kemi nisur në mes të shoqërisë të ndihmojmë. Këtë vit kërkesa është edhe më e madhe. Deri tani prej janarit kemi ndihmuar rreth 250 familje”, u shpreh Miftari.
Edhe në shoqata tjera gjatë kohës së ramazanit është rritur i kërkesave për ndihmë. Nexhat Lika nga Kalliri i Mirësisë, thotë se po mundohen që tu dalin në ndihmë të gjithë qytetarëve.
“Pandemia e ka rritur numrin e kërkesave të nevojtarëve, por ne jemi munduar që të gjithëve të ju dalim në ndihmë. Të gjithë ata që kanë bërë kërkesë tek organizata jonë, ne ju kemi dal në ndihmë”, tregoi Lika.
Aksione të ndryshme humanitare në vend organizohen edhe nga vetë qytetarët. Në lagjen Xhon Kenedi, në një qosh të rrugës është vendosur një dollap ku jepen bukë falas për nevojtarët.
Aty ka bukë çdo ditë nga ora 15.