Më 30 korrik do të fillojë gjykimi për vr’asjen e Vanja Gjorçevskës dhe Pançe Zhezhovskit

Më 30 korrik, do të fillojë gjykimi për vrasjen e 14-vjeçares, Vanja Gjorçevska dhe 74-vjeçarit, Pançe Zhezhovski.

Gjykatës i rastit do të jetë Ivica Stefanovski, i zgjedhur nëpërmjet sistemit AKMIS.

Paraprakisht, më 8 korrik nga Gjykata Penale kanë njoftuar se janë refuzuar si të pabaza ankesat nga mbrojtja e të akuzuarve dhe se akti prokurorial pranohet tërësisht.

Kujtojmë se Prokuroria Publike Themelore Shkup në maj ka ngritur aktakuzë kundër katër personave për kidnapim dhe vrasje të 14-vjeçares, Vanja Gjorçevska nga Shkupi dhe 74-vjeçarit, Pançe Zhezhovski nga Velesi.

Të akuzuar janë Bore Videvski, Velibor Manev dhe Vllatko Keshishov, si dhe babai i Vanjës, Aleksandar Gjorçevski.

Ndërkaq hetimi vazhdon ende ndaj dy personave të tjerë – njëri nga ata është i dyshuar i parë – Lupço Palevski./TV21