Mungesa e koncerteve tradicionale nuk i ndaloi qytetarët të dalin dhe të festojnë natën e Vitit të Ri në sheshin e Shkupit. Shkupi vlonte me qytetarë të cilët kishin dalë të bëjnë një xhiro në qytet. Dhjetëra qytetarë të cilët kishin dalë të shëtisin e fotografohen me pemën e Vitit të Ri dhe Babagjyshin.
Edhe pse janë të ndaluara grupimet e mëdha, qytetarët nuk rezistuan që të mos dalin në shesh.Për herë të parë Viti i Ri festohet më ndyshe, me lokalet e mbyllura, pa muzikë dhe pa koncerte.
Në qendër të Shkupit një dordolec i improvizuar mbante një porosi me mbishkrim “Mbaje maskën drejt, nuk je dordolec”, por një pjesë e qytetarëve nuk e përfillnin këtë rekomandim.
Kishte edhe policë që mundoheshin të mbjanë rendin. Edhe pse e ndaluar, nuk mungonin shkrepjet e mjeteve piroteknike. Për qytetarët i vetmi urim që ka kuptim është të jemi gjallë e shëndoshë. Ky vit do të mbahet mend si më i vështiri për shumë njerëz.