Mbijetesa e shitësve në kohë pandemie! Sheshi i Shkupit frymon ndryshe nga vitet e kaluara

Festat e fundvitit po ia shtojnë sadopak punën këtij artisti të rrugëve. Por këtë vit thotë se puna e tij ka rënë ndjeshëm për shkak të pandemisë me Kovid 19. Kjo është arsyeja që shumë qytetarë nuk frekuentojnë qendrën e qytetit.  Agroni 25 vjet punon si artist i rrugëve ndërsa thotë se ky është viti më i rëndë për të si artist.

 “Po do të dalim por s’ka atmosferë s’ka njerëz. Momentalisht është shumë keq. Vitet e kaluara i kemi kaluar më mirë, ka qenë atmosfera më e mirë. Ka pasur njerëz pa stres. Mendoj se do të jetë edhe më keq nuk kemi çfarë të bëjmë. Qeveria ashtu ka vendos, s’kemi çfarë të bëjmë ashtu si ka thënë qeveria duhet të bëjmë”, tha një artist.

Por nuk do të kishin kuptim festat e fundvitit në sheshin Maqedonia mos të ketë shitës së gështenjave.

Ky shitësi i gështenjave ku qëndron nga mëngjesi deri në mbrëmje thotë se sheh shumë qytetarë nuk respektojnë masat kundër Kovid 19.

 “Shumë ndikon kjo që nuk ka lëvizje të njerëzve. Shmangen kontaktet me njerëzit. Lokalet janë të mbyllura. Por ja në Gjermani  u mbyllën të gjitha. Këtu duhet të ketë restrikcione por ne nuk u përmbahemi masave”, u shpreh shitësi i gështenjave.

Gështenjat e nxehta janë kompensim për ditët e ftohta që sjell dimri. Shitja e gështenjave është një biznes tradicional në sheshin e Shkupit.