Sipas të dhënave të fundit, në botë me koronavirus deri tani janë infektuar 9.109.885 persona. Prej tyre kanë vdekur 471.759, ndërsa janë shëruar 4.879.462 njerëz.
– Në Kosovë dje vazhdoi trendi i shifrave të larta të rasteve të infektuara, ndërsa sot ishte shënuar edhe një viktimë e re nga Kovid-19 (një burrë 70 vjeçar), me çka numri i të sëmurëve të cilët kanë vdekur nga paraqitja e epidemisë u rrit në 37. Nga 439 testimet e kryera gjatë ditës së djeshme, pozitiv rezultuan 93, ndërsa nga gjithsej 21.517 teste, deri tani si të infektuar janë regjistruar 2.169 persona. Duke e marrë parasysh se si të shëruar udhëhiqen 1.047 raste, prej të cilëve 29 dje, numri i bartësve aktiv të virusit në Kosovë arrin 1.085. Mediat kosovare sot publikuan se Ministria e Shëndetësisë ka rekomanduar të mos testohen më rastet me kontakt, por vetëm personat në klinika të caktuara dhe ato të cilët kanë simptoma më të rënda të Kovid-19.
– Në Shqipëri, me 33 rastet e fundit të konfirmuara me Kovid-19, numri i tërësishëm u rrit në 1.995 persona. Betejën me virusin e rrezikshëm e kanë fituar 1.159, e kanë humbur 45, ndërsa raste aktive janë 791 persona. Në ditët e fundit rritet numri i personave të hospitalizuar, dhe arrin 81, që është numër më i lartë deri tani. Prej tyre dhjetë janë në terapi intensive dhe një është vendosur në aparat respirator.
– Në Serbi në 24 orët e fundit janë konfirmuar 96 raste të reja pozitive të koronavirusit, ndërsa një person vdiq. Janë bërë 345.260 testime. Nga fillimi i epidemisë janë infektuar 12.990 persona, vdiqën 262, ndërsa për momentin aktive janë 731 raste. Në aparat respirator janë 19 persona, ndërsa përqindja e vdekshmërisë është 2,02 për qind.
– Në Bosnja e Hercegovinë në 24 orët e fundit ka 33 raste të reja me Kovid-19 nga gjithsej 543 të testuar. Deri tani janë bërë 48.328 teste, ndërsa virusi është konfirmuar te 1.594 persona. Duke e përfshirë edhe ditën e sotme, janë shëruar 996 pacientë, ndërsa për momentin aktive janë 552 raste. Enti federal për shëndet publik kumtoi se ka gjithsej 46 raste të vdekjes.
– Në 24 orët e fundit në Kroaci janë regjistruar 19 raste të reja, me çka numri i tërësishëm nga fillimi i pandemisë arriti 2.336. Deri tani janë testuar 72.746 persona, prej të cilëve 268 në 24 orëshin e fundit. Në shërim spitalor janë nëntë persona, askush nuk është në aparat respirator. Siç është kumtuar nga Shtabi kombëtar për mbrojtje civile, numri i tërësishëm i të vdekurve arrin 107.
“Në 24 orët e fundit në Greqi janë regjistruar 21 raste të reja me Kovid-19, prej të cilëve pesë, janë nga testet e kryera sipas zgjedhjes së rastit të udhëtarëve nga fluturimet e vendeve të huaja. Numri i tërësishëm i të infektuarve në vend u rrit në 3.287 persona.
– Nga 1.039 teste të kryera, në Qipro janë regjistruar dy raste të reja me Kovid-19 gjatë testimit të udhëtarëve të cilët kanë ardhur në vend. Nga fillimi i epidemisë pozitiv me koronavirus janë 988 persona, ndërsa në spitalet qipriote nuk është hospitalizuar asnjë pacient.
– Numri i të vdekurve nga Kovid-19 në Britani të Madhe sot u rrit për 15, në 42.647. Kjo është vdekshmëria më e ulët ditore e sëmundjes nga mesi i muajit mars, kumtuan sot autoritetet shëndetësore. Bilanci i viktimave nga koronavirusi i ri në Britani e arriti pikun e saj në mes të muajit prill, kur në periudhën prej nëntë ditëve arrinte më shumë se jë mijë të vdekur./MIA