Mbi 420.000 njerëz do të mbeten pa punë në Itali

Italia, ku aktiviteti prodhues është zvogëluar për 34 për qind si rezultat i virusit Kovid-19, po përballet me një krizë të madhe, me ç’rast vlerësohet se gjatë këtij viti pa punë do të mbeten më shumë se 420.000 njerëz.

Instituti italian i Statistikave Shtetërore (Istat) vlerëson se situata financiare për shkak të virusit do të jetë më e vështirë sesa gjatë krizës globale ekonomike në vitin 2008.

Konsumi do të bjerë për 9.9 për qind nëse bllokada për shkak të pandemisë mbetet deri në qershor, thekson Istat, duke shtuar se Italia tashmë i ka ulur aktivitetet e prodhimit për 34 për qind.

“Me këtë vlerësohet se në “krizën e pa precedentë” 420.000 njerëz këtë vit do të mbeten pa punë, prej të cilëve gjysma punonjës turistik, kumtoi Unioni i Odave të Ekonomike të Italisë.

Turizmi, i cili është goditur rëndë nga pandemia e virusit Kovid-19, është një biznes shumë i rëndësishëm në Itali dhe përbën 13 për qind të BPV-së së vendit dhe 14.9 për qind të numrit të përgjithshëm të vendeve të punës.

Në Itali, një nga vendet më të goditura nga pandemia, masat e rrepta të karantinës me kontroll të shtuar të qytetarëve do të jenë në funksion deri më 13 prill, dhe ka mundësi të zgjaten deri në fillim të majit./MIA