Mbi 13 mijë të vdekur në Itali, mbi 9 mijë në Spanjë, SHBA me rekord të të infektuarve

TË FUNDIT

Italia dhe Spanja deri më tani qëndrojnë në krye të listës për nga numri i madh i vdekjeve të ardhura si pasojë e COVID-19.

Të dhënat e fundit zyrtare tregojnë se në Itali numri i jetëve të humbura në total është 13,155 ndërsa 110,574 janë të infektuar. Në Spanjë kanë vdekur 9,387 persona, ndërsa 104,118 janë të prekur nga virusi vdekjeprurës, raporton tv21.tv.

Pas këtyre dy shteteve, me më shumë raste të vdekjeve janë Shtetet e Bashkuara të Amerikës me 5,102 viktima, Franca me 4,032 të vdekur, Kina 3,312, Irani 3,036, Mbretëria e Bashkuar 2,352.

Shtetet e Bashkuara të Amerikës mbajnë rekord për numrin e ri të të infektuarve, ku deri dje janë regjistruar edhe 26,473 të prekur, duke e çuar kështu në 215,003 numrin total të të infektuarve./TV21

MARKETING I PAGUAR POLITIK