Amber Heard dhe Johnny Depp kanë vendosur t’i japë fund procedurave ligjore të ngritura kundër njëra-tjetrit dhe të bien dakord për një zgjidhje.
Avokatët e ish-bashkëshortëve përfunduan një marrëveshje sipas së cilës kompania e sigurimeve që përfaqësonte Heard do t’i paguante Depp-it vetëm 1 milion dollarë dëmshpërblim, duke mbyllur përfundimisht çështjen.
Heard ka publikuar një deklaratë të gjatë në Instagram, në të cilën ka shpjeguar arsyen pse ka rënë dakord për zgjidhjen.
“Pas shumë mendimeve, kam marrë vendimin e vështirë për të zgjidhur një çështje shpifjeje të ngritur kundër meje nga ish-bashkëshorti im në Virxhinia. Është e rëndësishme për mua të them se nuk e zgjodha kurrë këtë. Unë u mbrojta për të vërtetën time. Fyerja në rrjetet sociale me të cilën u përballa është një version i përforcuar i mënyrës sesi gratë riviktimizohen kur flasin. Tani më në fund kam një shans të largohem nga diçka që u përpoqa të largohesha gjashtë vjet më parë dhe me kushte që mund të pranoj, nuk kam pranuar asgjë, nuk kam bërë asnjë lëshim, nuk ka asnjë kufizim apo pengesë për respektimin e zërit tim për të vazhduar”, shkruan Heard.