Manchester City vijon garën për titullin, mposht Norwich (Video)

Në pritje për të luajtur në kompeticionin e madh ndaj Sporting Lisbon në Champions, Man. City nuk bën asnjë hap fals në Premier League.

Djemtë e Guardiolës morën një tjetër fitore që i mban të shkëputur në krye teksa mposhtën 4-0 në transfertë Norwichin e Milot Rashicës.

Sulmuesi dardan ishte titullar sot por asgjë nuk mund të bënte ekipi i tij për të ndalur kryesuesit që fituan pa shumë sforco me golat e Sterling në pjesën e pare në 31’ dhe Foden në 48’ në të dytën.

Më pas ishte sërish Sterling protagonisti i madh i cili shënon golin e tretë të takimit në 70’ dhe në 91’ realizon edhe tripletën personale në këtë duel.

Një furi e vërtetë skuadra e Guardiolës që vështirë ta ndalojë dikush në Premier League pasi komandon me 12 pikë më shumë se Liverpool edhe pse këta të fundit kanë 2 ndeshje më pak.