Maldini: Ibrahimoviq është pjesë e projektit të Milanit

Drejtori teknik i Milanit, Paolo Maldini e komentoi situatën rreth qëndrimit të Zlatan Ibrahimoviqit në klub, si dhe për pozitën e tij udhëheqëse.

“Ne ndërtuam diçka këtë sezon dhe duhet të jemi konstantë. Do të thotë, në sezonin e ardhshëm do të tentojmë ta mbindërtojmë atë që kemi bërë. Zlatan është pjesë e këtij projekti. Negociatat nuk do të jenë të lehta, por kemi qëllim të fuqishëm ta mbajmë tek ne. Kemi shumë njerëz të rinj, të cilët munden shpejtë të zhvillohen me Ibran përkrah tyre. Ndoshta kemi qasje të ndryshme për arritjen e qëllimeve tona, por po ashtu duhet të kemi vizion gjithpërfshirës për atë se ku dëshirojmë të shkojmë, në të kundërtën nuk do të isha këtu”, tha Maldini për “Skaj Sports”.